Həbsxandan qan donduran etiraf: "Öldürüb hissələrə bölmüşəm"

İstanbulun Şişli rayonunda 24 yanvar gecəsi Özbəkistan vətəndaşı Durdona Xokimovaya məxsus parçalanmış meyitin tapılması ilə bağlı aparılan istintaqda yeni və şokedici detallar üzə çıxıb.

Sonxeber.az türk mediasına istinadən xəbər verir ki, iş üzrə əsas fiqur hesab olunan və hazırda həbsdə saxlanılan Gofurjon Akmalkhonoviç Kamalkhodaev əlavə ifadəsində daha bir özbəkistanlı qadının da eyni üsulla qətlə yetirildiyini etiraf edib.

Məlumata görə, həbsdə olan Gofurjon Akmalkhonoviç Kamalkhodaev (Gafur Can kimi tanınır) istintaqa verdiyi əlavə ifadədə ilk qətldən sonra daha bir özbəkistanlı qadını da oxşar şəkildə öldürdüklərini bildirib.

Onun sözlərinə əsasən, Özbəkistan vətəndaşı Ergashalieva Sayyora Bahromjon (Seyyare) də eyni amansız üsulla qətlə yetirilib. Şübhəli qadının meyitinin Ümraniyədə bir evdə hissələrə ayrıldığını və daha sonra İstanbulun müxtəlif ərazilərində yerləşən zibil konteynerlərinə atıldığını deyib. Seyyarenin Kamalkhodaevlə sevgili münasibətində olduğu bildirilib.

Şişlidə tapılan meyit hissələri ilə başlayan istintaq prosesi bu etirafdan sonra silsilə qadın qətlləri işi kimi araşdırılmağa başlanıb. Hüquq-mühafizə orqanları verilən ifadələr əsasında İstanbulun müxtəlif bölgələrində əlavə axtarış və sübutların toplanması işlərini genişləndirib.

Qeyd edək ki, hadisə 24 yanvarda kağız toplayan şəxsin zibil qutusunda meyit hissələrini aşkar edərək polisə məlumat verməsi ilə üzə çıxıb. Təhlükəsizlik kameralarının səkkiz saatlıq görüntüləri araşdırıldıqdan sonra ikisi Özbəkistan vətəndaşı olmaqla üç kişi şübhəli müəyyən edilib. Şübhəlilər Gürcüstana qaçmağa cəhd edərkən İstanbul Hava Limanında saxlanılıblar.

Telegramda izləyin