ABŞ ordusu Maduronu ələ keçirmək üçün süni intellektdən istifadə edib

ABŞ ordusu Venesuela lideri Nikolas Maduronu ələ keçirmək üçün "Anthropic" şirkəti tərəfindən hazırlanmış süni intellekt texnologiyası olan "Claude"dan istifadə edib.

Oxu.Az xəbər verir ki, bu barədə "The Wall Street Journal" qəzeti məlumat yayıb.

Şirkət-tərtibatçının özünün müəyyənləşdirdiyi, "Claude"un zorakı hərəkətlərə köməklik, izləmə və silah hazırlanması üçün istifadəsini qadağan edən məhdudiyyətlərə baxmayaraq, ABŞ hərbçiləri bu sistemi tətbiq etmək qərarına gəliblər.

"Anthropic"in nümayəndəsi nəşrə bildirib ki, şirkətdə süni intellekt texnologiyasından konkret hansı hallarda istifadə edilməsi barədə şərh vermirlər. Bununla yanaşı, o qeyd edib ki, "Claude" modellərinin istifadəsi məhsulun tətbiq sahəsini məhdudlaşdıran şirkətin daxili qaydalarına uyğun olmalıdır.

Telegramda izləyin