Hər addımda zərifliyinizi hiss etdirəcək 6 geyim növü

Moda dünyasında "zəhmətsiz şıklık" (effortless chic) trendi yüksəlməyə davam edərkən, mütəxəssislər qarderobdakı artıq yüklərdən qurtulmağın və modası keçməyən parçalara yatırım etməyin vacibliyini vurğulayırlar.

Qaynarinfo tanınmış stilistlərin tövsiyə etdiyi, hər bir qadının qarderobunda mütləq olması gərəkən 6 əsas parçanı təqdim edir:

Aksessuarın Gücü: Bangle (Kələbçə) Bilərziklər

Stilistlər vurğulayır ki, sadə bir cins və tişört kombinini belə üst səviyyəyə daşıyan ən önəmli ünsür "bangle" bilərziklərdir. Xüsusilə praktik istifadə təqdim edən modellər, "üzərində düşünülmüş" bir görünüş üçün ən qısa yol hesab olunur.

Klassik Ağ Tişört

Dəbi heç vaxt keçməyən ağ tişörtlər moda dünyasının "buqələmunu" adlandırılır. İstər təkbaşına, istərsə də pencəklə istifadə edilə bilən bu parça üçün mütəxəssislərin tək xəbərdarlığı var: Doğru kəsim və keyfiyyətli parça seçimi.

Daimi Trend: Denim model cinslər

Cins dünyasında hazırda "barrel-leg" və ya geniş balaq trendləri öndə olsa da, mütəxəssislər insanın öz bədən tipinə uyğun və özgüvənli hiss etdiyi kəsimlərə yatırım etməsini məsləhət görür. Xüsusilə düz kəsim (straight-leg) modellər hər dövr öz aktuallığını qoruyur.

Kombinin Vurğusunu Müəyyən Edən "Statement" Çantalar

Sıravi bir görünüşü şık bir ziyafət kombinə çevirə bilən iddialı çantalar bu il diqqət mərkəzindədir. Neytral rənglərdən kənara çıxaraq leopard naxışlı və ya canlı rəngli xarakterik aksessuarlara yönəlmək qarderoba rəng qatmağın ən səmərəli yoludur.

Zamansız Xilaskar: Oversize Blazer

İllərdir populyarlığını itirməyən geniş kəsimli (oversize) pencəklər, gecə libasının üzərinə geyildikdə müasir, cinslərlə kombinləndikdə isə "havalı" bir duruş sərgiləyir. Bu parça qarderobların ən funksional yatırım vasitəsi sayılır.

Ayaqqabıda Cəsarət Dövrü

Ayaqqabılar artıq sadəcə ehtiyac deyil, kombinin əsas xarakteri kimi mövqelənir. Stil məsləhətçiləri büdcənin əhəmiyyətli hissəsinin ayaqqabıya ayrılmağını məsləhət görür, çünki tək bir iddialı ayaqqabı ən sadə geyimi belə tamamilə dəyişdirmək gücünə malikdir.

Telegramda izləyin