Rusiyada bu şəxslərin 18 yaşına çatmış övladları ölkədən ÇIXARILA BİLƏR

Rusiya hökuməti Dövlət Dumasına əmək miqrantlarının 18 yaşına çatmış övladlarının ya 30 gün ərzində Rusiyanı tərk etməsini, ya da iş icazəsi almasını tələb edən qanun layihəsi təqdim edib.

Sonxeber.az oxu.az-a istinadən xəbər verir ki, bu barədə aif.ru məlumat yayıb.

Dövlət Dumasının elektron məlumat bazasında dərc olunmuş sənədin izahlı qeydində göstərilir ki, yetkinlik yaşına çatdıqdan sonra belə şəxslər Rusiya Vergi Məcəlləsinin 227.1-ci maddəsində nəzərdə tutulduğu kimi, müəyyən edilmiş qaydada iş icazəsi üçün müraciət etməli və sabit avans ödənişi etməlidirlər.

Qeyd edək ki, ötən ilin oktyabr ayında Rusiya Prezidenti Vladimir Putin 2026-2030-cu illər üçün Rusiya miqrasiya siyasəti konsepsiyasını təsdiqləyib.

Telegramda izləyin