Namaz zamanı etdikləri üzə çıxanda məsciddən qovuldular - VİDEO

Türkiyədə Təravih namazı zamanı məsciddə sosial şəbəkə üçün video çəkməyə çalışan gənc qızlar digər ibadət edənlərin etirazı ilə üzləşib.

Sonxeber.az türk mediasına istinadən xəbər verir ki, hadisə ilə bağlı görüntülər qısa müddətdə sosial mediada yayılaraq müzakirələrə səbəb olub.

Namaz əsnasında "TikTok" üçün çəkiliş etdikləri bildirilən gəncləri fərq edən bəzi qadınlar vəziyyətə müdaxilə ediblər. Camaat arasında olan qadınlar onlara "Nə namaz qılırsınız, nə də insanları rahat buraxırsınız. Məncə, buranı dərhal tərk edin" deyə irad bildiriblər.

Şifahi xəbərdarlıqdan sonra gənclərin məscid daxilindən uzaqlaşdığı qeyd olunur. Hadisənin hansı məsciddə baş verdiyi barədə məlumat verilməyib.

Telegramda izləyin