Ananın fəryadı gündəm oldu: "İcazə verin çörəyimi qazanım"

Vanda ev şəraitində hazırladığı çiy köftələri sataraq dolanışığını təmin etməyə çalışan bir qadın yaşadığı çətinliklərə etiraz edib. O bildirib ki, bələdiyyənin nəzarət əməkdaşları tərəfindən mütəmadi olaraq izlənilir və fəaliyyətinə maneələr yaradılır.

Sonxeber.az türk mediasına istinadən xəbər verir ki, azyaşlı övladlarının olduğunu və bu səbəbdən daimi işdə çalışa bilmədiyini deyən qadın, ailəsini dolandırmaq üçün evdə hazırladığı məhsulları satmağa məcbur qaldığını vurğulayıb.

"İcazə verin çörəyimi qazanım", - deyə səslənən ana aidiyyəti qurumlardan ona işləmək üçün şərait yaradılmasını istəyib.

Hadisə sosial şəbəkələrdə də müzakirələrə səbəb olub. İctimaiyyətin bir qismi qadına dəstək ifadə edərək onun əmək fəaliyyətinə imkan verilməsinin vacibliyini qeyd edib.

Telegramda izləyin