Sosial mediada video paylaşaraq işindən ayrıldı: Səbəb hadisədən də maraqlıdır - VİDEO

Bir tibb bacısı işindən istefa verdiyini sosial mediada paylaşdığı video vasitəsilə açıqlayıb.

Sonxeber.az türk mediasına istinadən xəbər verir ki, qərarının səbəbini izah edən qadın həyat yoldaşının onun daha çox işləməsini istəmədiyini bildirib.

Peşəsinin həm fiziki, həm də psixoloji baxımdan çox yorucu olduğunu deyən tibb bacısı, "Həyat yoldaşım daha çox işləməyimə icazə vermədiyi üçün istefa verdim. İşim həm fiziki, həm də psixoloji cəhətdən çox ağırdır. Artıq evimdə olacağam və vaxtımın qədrini daha yaxşı biləcəyəm" sözlərini deyib.

Paylaşımından sonra ünvanına səslənən tənqidlərə cavab olaraq daha bir video yayımlayan qadın, özünü müdafiə edib. O bildirib: "Məni tənqid etdiniz, amma çoxunuzun həyat yoldaşı "işdən çıx, mən sənə baxaram" desə, buna sevinərsiniz. Aldığım maaş özümü bu qədər yormağa dəyməz. 24 saatlıq növbə tutmamısınızsa, xahiş edirəm məni mühakimə etməyin".

Sosial şəbəkələrdə yayılan görüntülər qısa müddətdə geniş müzakirələrə səbəb olub.

Telegramda izləyin