Marketdə şahid olduğu hadisəni gözyaşları içində danışdı - VİDEO

Marketdə atasına "Pulumuz çatacaq?" deyə sual verən azyaşlı uşağın alış-verişi kassada "balans kifayət deyil" xəbərdarlığı ilə nəticələnib.

Sonxeber.az türk mediasına istinadən xəbər verir ki, hadisəyə şahid olan gənc qadın yaşadıqlarını sosial şəbəkədə paylaşaraq həmin anın ona dərin təsir etdiyini bildirib.

Gənc qadının sözlərinə görə, marketdə növbədə onun qarşısında bir ata və azyaşlı oğlu dayanıb. Uşaq çiy köftə və tum almaq istədiyini deyib. Məhsulları kassaya qoyduqdan sonra atasına tərəf dönərək "Pulumuz çatacaq?" deyə soruşub. Ata isə "Çatar" cavabını verib.

Ödəniş zamanı kartdan "balans kifayət deyil" bildirişi gəlib. Kassada yaranan səssizlik və uşağın bir qədər əvvəl verdiyi sual hadisəyə şahid olan gənc qadının yaddaşında iz buraxıb. O, baş verənləri danışarkən göz yaşlarını saxlaya bilmədiyini qeyd edib.

Gənc qadın bildirib ki, bu hadisə bir çox ailələrin oxşar maddi çətinliklərlə üzləşdiyini bir daha göstərir. Paylaşım sosial şəbəkələrdə müzakirələrə səbəb olub.

Telegramda izləyin