Küçədə halı dəyişən qadın yoldan keçənlərə hücum etdi - VİDEO

İzmir şəhərinin Bornova rayonunda yerləşən Küçükpark ərazisində sinir böhranı keçirdiyi iddia olunan qadın ətrafdakı vətəndaşlara və avtomobillərə hücum edib.

Sonxeber.az türk mediasına istinadən xəbər verir ki, hadisə rayonun mərkəzi hissəsində baş verib. Hələlik səbəbi məlum olmayan vəziyyət nəticəsində qadının qəfil aqressiv davranışlar sərgilədiyi, ərazidə olan insanlara və nəqliyyat vasitələrinə yönəldiyi bildirilib. Onu sakitləşdirməyə çalışan şəxslərin cəhdləri nəticəsiz qalıb.

Hadisə şahidlərindən birinin mobil telefonla lentə aldığı görüntülərdə qadının bir müddət sonra özünü yerə atdığı, qışqırdığı və ağladığı əks olunub.

Əraziyə cəlb olunan polis əməkdaşları tərəfindən qadına müdaxilə edilib. O, nəzarətə götürülərək ərazidən uzaqlaşdırılıb. Faktla bağlı araşdırma aparıldığı bildirilir.

Telegramda izləyin