Qırmızı işıqda yola atılıb jim etdilər - VİDEO

İstanbulun Üsküdar rayonunda bir qrup gənc avtomobillər qırmızı işıqda gözləyərkən piyada keçidində jim edib.

Sonxeber.az türk mediasına istinadən xəbər verir ki, hadisə axşam saatlarında Libadiye Caddesinin Ünalan istiqamətində baş verib. İşıqforda avtomobillərin dayanmasından istifadə edən gənclər piyada keçidinə çıxaraq qırmızı işıq müddətində jim etməyə başlayıblar. Onların bu qısa müddətli hərəkəti işıqda gözləyən avtomobillərdən birinin kamerasına düşüb.

İşıqforun yaşıl rəngə keçməsi ilə gənclər sürətlə yoldan kənara çəkilərək səkidə toplaşıblar. Avtomobillərin hərəkətə başlaması ilə nəqliyyatın axını normal qaydada davam edib. Hadisə sosial şəbəkələrdə maraqla qarşılanıb.

Telegramda izləyin