Soyuducu zəif soyudursa, ilk onu yoxlayın

Soyuducu qəfil zəif soyutmağa başlayanda çoxları dərhal ciddi nasazlıq olduğunu düşünür. Halbuki əksər hallarda problem daha sadə olur və usta çağırmağa ehtiyac qalmır.

Lent.az xəbər verir ki, məişət texnikası üzrə mütəxəssislər bildirirlər ki, əsas "günahkar" çox vaxt qapının rezin kənar örtüyü yəni sıxlaşdırıcı rezin olur. Soyuducunun nə dərəcədə effektiv işləməsi məhz onun vəziyyətindən asılıdır. Əgər rezin elastikliyini itiribsə, qapı kip bağlanmır. Soyuq hava çölə çıxır, kompressor isə fasiləsiz işləyərək daha tez sıradan çıxır. Sıxlaşdırıcı rezini yoxlamaq çox asandır adi bir kağız vərəqi ilə. Kağızı qapının arasına qoyub bağlayın. Əgər vərəq asanlıqla çıxırsa, deməli qapının hermetikliyi pozulub. Hətta kiçik bir boşluq belə soyuducunun lazımi temperaturu saxlamasına mane olur. Cihaz daim itirilən soyuq havanı kompensasiya etməyə çalışır. Nəticədə kompressor fasiləsiz işləyir, bu isə həm elektrik sərfiyyatını artırır, həm də texnikanın daha tez köhnəlməsinə səbəb olur. Zamanla istilik və ya düzgün olmayan təmizləmə səbəbindən rezin deformasiya ola bilər. Bəzən isə qapıya ağır əşya dəyərək onu zədələyir. Çirk də rezinin qapıya tam oturmasına mane olur. Yağ və toz nazik təbəqə yaradaraq hermetikliyi pozur. Mütəxəssislər məsləhət görürlər ki, rezini mütəmadi olaraq ilıq su və yumşaq yuyucu vasitə ilə siləsiniz. Bu, onun ömrünü uzadır və sıx bağlanmanı qoruyur.

Bəzi hallarda rezini fenlə bir qədər qızdıraraq "bərpa etmək" mümkündür. İstilik elastikliyi qismən geri qaytarır və xırda deformasiyaları düzəldə bilir. Amma rezin cırılıbsa, onu dəyişmək lazımdır. Bu, ucuz detalıdır və kənar kömək olmadan da asanlıqla quraşdırmaq mümkündür. Zəif soyutma problemlərinin çoxu məhz qapının kip bağlanmaması ilə bağlı olur. İnsanlar isə həll yolu göz önündə olduğu halda, boş yerə ustaya pul xərcləyirlər. Əgər sıxlaşdırıcı qaydasındadırsa, onda soyuducunun ətrafındakı ventilyasiyanı yoxlamaq lazımdır. Korpusun həddindən artıq qızması da işin effektivliyini azaldır.

Telegramda izləyin