10-cu mərtəbədən düşən uşağı paltosu ilə havada xilas etdi - VİDEO

Rusiyanın Sankt-Peterburq şəhərində yaşayış binasında baş verən hadisə faciə ilə nəticələnmək üzrə olsa da, son anda xilasla yekunlaşıb.

Sonxeber.az xarici mediaya istinadən xəbər verir ki, binanın 10-cu mərtəbəsində açıq pəncərəyə çıxan 18 aylıq körpə bir anda tarazlığını itirərək aşağı düşüb. Hadisəni görən ərazidəki şəxslər dərhal hərəkətə keçərək binanın giriş hissəsində, səkidə toplaşıblar.

Körpənin yıxıldığını görən şəxslərdən biri paltosunu açaraq onu havada tutmağa nail olub. Ətrafdakıların böyük təşviş yaşadığı anlardan sonra uşaq dərhal xəstəxanaya çatdırılıb və həkim nəzarətinə götürülüb.

Hadisə ilə bağlı hüquq-mühafizə orqanları tərəfindən araşdırma başlanılıb. İlkin məlumatlara əsasən, körpə açıq olan pəncərəyə qalxdığı zaman anası tualetdə olub, evdə olan digər uşaq isə kompüterdə oyun oynayırmış.

Faktla bağlı araşdırmalar davam etdirilir.

Telegramda izləyin