Qızına elçi gələn bəydən 500 min pul tələb edən ata tənqid edilir - VİDEO

Türkiyənin İzmir şəhərində qeydə alındığı bildirilən görüntülər sosial şəbəkələrdə geniş müzakirələrə səbəb olub.

Sonxeber.az türk mediasına istinadən xəbər verir ki, yayılan kadrlarda bir ata qızına elçi gələn bəy namizədi ilə qarşı-qarşıya əyləşərək 500 min türk lirəsi məbləğində maddi məsələ üzərindən danışıq aparır. Görüntülərdə evlilik prosesinin maliyyə bazarlığı mövzusuna çevrildiyi diqqət çəkir.

Video qısa müddətdə sosial mediada sürətlə yayılıb və çoxsaylı istifadəçilər tərəfindən tənqid edilib. Bəzi şəxslər evliliyin kommersiya razılaşması formasına salındığını bildirərək narazılıqlarını ifadə ediblər.

Görüntülərin yayılmasından sonra bir sıra sosial media istifadəçiləri Ailə və Sosial Xidmətlər Nazirliyini işarələyərək məsələ ilə bağlı tədbir görülməsinə çağırış ediblər.

Hadisə ilə bağlı rəsmi qurumlar tərəfindən hər hansı açıqlama verilməyib.

Telegramda izləyin