Sibiqa İrandakı vəziyyət barədə: Tehran diplomatik həll fürsətini əldən verib

İran güc ssenarisindan qaçmaq üçün bütün imkanlara malik idi, ölkəyə münaqişələrin diplomatik yolla həlli üçün dəfələrlə şans verilmişdi.

"Report" "RBK-Ukrayna"ya istinadən xəbər verir ki, bu barədə Ukraynanın xarici işlər naziri Andrey Sibiqa bu gün mətbuat konfransında bəyan edib.

XİN rəhbəri vurğulayıb ki, Kiyev İran xalqını dəstəkləyir və Tehran rejimini terror və repressiyalarda ittiham edir.

"Biz həmişə İran xalqının tərəfindəyik. Məhz xalqın. Uzun illər davam edən insan haqları pozuntuları, amansız repressiyalar və edamlar bu dövlətin dərin daxili böhranından xəbər verir", - o bəyan edib.

Bundan başqa, Ukrayna XİN ukraynalıları təhlükəsizlik məqsədilə İran ərazisini dərhal tərk etməyə çağırıb.

Telegramda izləyin