"Filozof Atakan"ın son görünüsü gündəm oldu - VİDEO

Bir vaxtlar sosial mediada "Filozof Atakan" kimi tanınan Atakan Kayalar yenidən gündəmə gəlib.

Sonxeber.az türk mediasına istinadən xəbər verir ki, 10 yaşında olarkən cəmi 5 ay ərzində 250 fəlsəfə kitabı oxuduğunu deməsi ilə diqqət çəkən Atakan Kayalar aradan keçən 6 ildən sonra yeni görüntüsü ilə ortaya çıxıb. O, paylaşdığı videoda yaxın zamanda öz sosial media hesabı üzərindən müxtəlif məzmunlu paylaşımlar edəcəyini açıqlayıb.

Türkiyə ictimaiyyəti Atakan Kayaları ilk dəfə sosial şəbəkələrdə yayılan bir video vasitəsilə tanımışdı. Alış-veriş mərkəzində kitab rəflərinə baxarkən çəkilən görüntülərdə o, oxuduğu kitablar və fəlsəfi düşüncələri barədə danışırdı. Kiçik yaşına baxmayaraq fəlsəfə ədəbiyyatına marağı və sərgilədiyi fikirlər geniş müzakirələrə səbəb olmuşdu.

Atakan Kayalar həmin dövrdə 250 kitab oxuduğunu bildirmiş, sosial mediada qısa müddətdə məşhurlaşaraq "Filozof Atakan" ləqəbi ilə anılmağa başlamışdı. O, bir müddət internetdə ən çox axtarılan adlardan biri olmuşdu.

İndi isə Atakan Kayalar uzun saçlı və xeyli dəyişmiş imici ilə yenidən kamera qarşısına keçib. O, yayımladığı videoda yaxın zamanda öz hesabı üzərindən müntəzəm şəkildə məzmun paylaşacağını və izləyiciləri ilə yenidən ünsiyyət quracağını bildirib.

Telegramda izləyin