Milyonlarla insanı bu fotolarla aldatdılar

ABŞ və İsrailin İrana qarşı əməliyyatlarının davam etdiyi dövrdə sosial mediada yayılan bəzi fotolar böyük müzakirələrə səbəb olub.

Sonxeber.az türk mediasına istinadən xəbər verir ki, fotolarda yüksək rütbəli, sarışın və ABŞ ordusunun uniformasını geyinmiş bir qadın əks olunurdu. Sosial mediada sürətlə yayılan paylaşım və iddialara görə, bu qadın ABŞ-nin yüksək rütbəli komandiri kimi təqdim olunurdu. Hətta fotolarda qadının ABŞ Prezidenti Donald Tramp və Melaniya Tramp ilə birlikdə olduğu göstərilirdi. Paylaşımlar qısa müddətdə minlərlə bəyənmə və şərh toplayıb.

Lakin aparılan rəqəmsal təhlillər göstərib ki, fotolar süni intellektlə yaradılıb və əslində belə bir komandir mövcud deyil. Instagram-da "jessicaa.foster" istifadəçi adı ilə hesab açan şəxs özünü ABŞ komandiri kimi təqdim edib və həmin hesabın təxminən 875 min izləyicisi olduğu müəyyən edilib.

Hadisə sosial mediada aldadıcı fotoların sürətlə yayıla biləcəyini və süni intellekt vasitəsilə yaradılmış məzmunlara diqqətli yanaşmağın vacibliyini bir daha göstərdi.

Telegramda izləyin