Xəstə halı ilə çobanlıq edən Ömər əminin sözləri hər kəsi kədərləndirib

Türkiyənin Osmaniye vilayətinin Kadirli rayonunda yaşayan 66 yaşlı Ömər Seven keçirdiyi bypass əməliyyatına baxmayaraq, dolanışığını təmin etmək üçün xırdabuynuzlu heyvandarlıqla məşğul olmağa davam edir.

Sonxeber.az türk mediasına istinadən xəbər verir ki, ürək xəstəliyindən əziyyət çəkən Ömər Seven tək gəlir mənbəyinin aldığı əlillik pensiyası olduğunu bildirib. O, həmçinin stresini qoyunlarına türkü oxuyaraq azaltdığını deyib.

Sürüsünün başında dayanan 66 yaşlı kişi çətin həyat şəraitindən danışaraq bildirib:

"66 yaşım var, bununla dolanıram, başqa nə edim? Bypass əməliyyatı keçirmişəm, gündə 5-6 dərman qəbul edirəm. Ürəyimdən əməliyyat olunduğum üçün az miqdarda əlillik pensiyası alıram. Amma yem almaq mümkündürmü? Bir kisəsi 1000 lirədir. Bir kisə yemlə neçə gün baxmaq olar? Başqa gəlirim yoxdur".

O əlavə edib ki, qoyun saxlamaqdan imtina etməyi düşünmür:
"Bununla məşğul olanda bir az başım qarışır. Bəziləri deyir ki, bu yaşda niyə qoyun saxlayırsan. Amma başqa nə edim? İndi yem verməyi azaldıb yalnız quzulara veririk. Evdə balaları var. 40 kiloqramlıq yem kisəsi 1000 lirədir. Qazanc-zərər məsələsidir, amma heç olmasa özümüzü birtəhər dolandırırıq. Yaşlıyam, amma yenə də işləməyə məcburam".

Telegramda izləyin