İkibaşlı buzovu küçə-küçə gəzdirib, pul qazanır - VİDEO

Hindistanda genetik pozuntu səbəbindən baş nahiyəsindən bir-birinə bitişik doğulan buzov insanların böyük marağına səbəb olub.

Sonxeber.az xarici mediaya istinadən xəbər verir ki qeyri-adi görünüşə malik heyvanın sahibi isə bu maraqdan istifadə edərək onu şəhər-şəhər gəzdirib pul qazanmağa başlayıb.

Belə ki, genetik anomaliya nəticəsində baş hissəsindən bitişik əkiz buzov dünyaya gəlib. Qısa müddətdə heyvanın görüntüləri ətraf ərazilərdə yayılıb və yerli sakinlər arasında böyük maraq doğurub.

Məlumata görə, bəzi insanlar bu hadisəni dini əlamət kimi qiymətləndirərək buzovu "müqəddəs" hesab edib. Bu səbəbdən çox sayda insan heyvanı görmək üçün onun saxlanıldığı yerə üz tutub.

Artan marağı fürsətə çevirən buzovun sahibi isə heyvanı müxtəlif şəhərlərə aparmağa başlayıb. Bildirilir ki, o, insanların buzovu görməsi üçün pul alır və bu yolla gəlir əldə edir.

Sosial şəbəkələrdə yayılan görüntülər isə birmənalı qarşılanmayıb. Bir çox istifadəçi heyvanın bu şəkildə nümayiş etdirilməsini tənqid edərək paylaşımların altında "İnsanın içi parçalanır" kimi şərhlər yazıb. Bəzi istifadəçilər isə bu vəziyyətin heyvana qarşı istismar olduğunu qeyd ediblər.

Telegramda izləyin