Trampın bu görüntüsü ölkəni qarışdırdı - VİDEO

ABŞ prezidenti Donald Trampın bir hərbçiyə medal təqdim etdiyi mərasimə aid görüntülər sosial şəbəkələrdə sürətlə yayılaraq geniş müzakirələrə səbəb olub.

Sonxeber.az xarici mediaya istinadən xəbər verir ki, videonun viral olmasından sonra bəzi istifadəçilər medalın dizaynını və təqdim olunma formasını tənqid edərək mübahisə yaradıb.

Belə ki, ABŞ-də keçirilən təltifetmə mərasimində çəkilən görüntülərdə prezident Donald Trampın bir əsgərin boynuna medal taxdığı an əks olunub. Lakin mərasim zamanı istifadə edilən medalın boyundan asılma forması sosial şəbəkə istifadəçilərinin diqqətini çəkib və müxtəlif reaksiyalara səbəb olub.

Görüntülər yayıldıqdan sonra bir sıra istifadəçi medalın dizaynını tənqid edib. Xüsusilə medalın geniş mavi lentlə boyundan asılması bəzi istifadəçilər tərəfindən istehzalı şəkildə "it xaltasına bənzəyir", "Bu, şərəf medalıdır, yoxsa xalta?" kimi şərhlərlə gündəmə gətirilib.

Digər tərəfdən, bəzi istifadəçilər isə tənqidlərin şişirdildiyini bildirərək sözgedən medalın ABŞ-də hərbçilərə təqdim olunan rəsmi təltif nişanı olduğunu və dizaynının uzun illərdir dəyişmədiyini xatırladıblar.

Görüntülərin sosial mediada yayılması davam etdikcə mövzu ABŞ-də siyasi müzakirələrin də bir hissəsinə çevrilib.

Telegramda izləyin