Qonşular məşhur futbolçudan şikayət etdi

İngiltərədə Mançester Siti klubunun ispaniyalı yarımmüdafiəçisi Rodri qonşularının şikayəti ilə gündəmə gəlib. Futbolçunun yaşadığı ərazidə dron uçurduğu iddiası polis qeydlərinə daxil olub.

Sonxeber.az türk mediasına istinadən xəbər verir ki, Rodrinin yaşadığı məhəllədə yaşayan bəzi sakinlər mənzillərinin pəncərələrinə yaxın məsafədə dronun uçduğunu görüb və bundan narahat olublar. Sakinlər dərhal polisə müraciət edərək məsələni araşdırmasını xahiş ediblər.

Qonşular dronun yaşayış binalarına çox yaxın məsafədə uçduğunu iddia edərək, bu hərəkəti məxfilik hüquqlarının pozulması kimi qiymətləndiriblər. Polis hadisə ilə bağlı araşdırma aparmağa başlayıb.

Hadisə mediada və sosial şəbəkələrdə geniş müzakirələrə səbəb olub. Hələlik Rodri tərəfindən məsələ ilə bağlı rəsmi açıqlama verilməyib. Hadisənin gedişatı və nəticələri maraqla izlənilir.

Telegramda izləyin