"XIII Qlobal Bakı Forumunda müzakirə edilən məsələlər təkcə regionda deyil, dünyada sülhün təşviqinə töhfə verəcək"- DEPUTAT

"XIII Qlobal Bakı Forumunda müzakirə edilən məsələlər təkcə regionda deyil, dünyada sülhün təşviqinə töhfə verəcək".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bu gün ölkəmiz daha bir mötəbər beynəlxalq tədbirə ev sahibliyi edib:

"Bu gün Gülüstan sarayında Nizami Gəncəvi Beynəlxalq Mərkəzinin təşkilatçılığı ilə "Keçid dövründə olan dünyada fikir ayrılıqlarının aradan qaldırılması" mövzusunda XIII Qlobal Bakı Forumu öz işinə başlayıb. Bu gün Nizami Gəncəvi Beynəlxalq Mərkəzi qlobal problemlərin həlli yollarını araşdıran və bu barədə dünya ictimaiyyətini məlumatlandıran mühüm beynəlxalq platformaya çevrilib. Qlobal Bakı Forumu geniş fikir müxtəlifliyini təmsil edən insanları neytral və mehriban bir mühitdə bir araya gətirməklə yanaşı həm onların dünyanın qlobal çağırışları ilə bağlı fikir mübadiləsi aparmasına imkan yaradır. Nizami Gəncəvi Beynəlxalq Mərkəzi Azərbaycan Respublikasının Prezidenti İlham Əliyevin Sərəncamına əsasən, dahi Azərbaycan şairi Nizami Gəncəvinin 870 illik yubiley tədbirləri çərçivəsində 2012-ci il sentyabrın 30-da böyük mütəfəkkirin Vətəni Gəncədə keçirilmiş xüsusi toplantıda təsis edilib. Hazırda Mərkəz qlobal problemlərin həlli yollarını araşdıran və bu barədə dünya ictimaiyyətini məlumatlandıran mühüm beynəlxalq təsisata çevrilib. Hazırda Mərkəzin təşkil etdiyi tədbirlərə dünya səviyyəsində maraq ildən-ilə artmaqdadır. Azərbaycanın belə mühüm forumlara ev sahibliyi etməsi, ildən-ilə iştirakçıların sayında nəzərəçarpan artım ölkəmizə olan diqqət və etimadın, dövlətimizin başçısı İlham Əliyevin siyasətinə dəstəyin ifadəsidir".

Deputat vurğulayıb ki, cənab prezident İlham Əliyevin həyata keçirdiyi müdrik siyasət nəticəsində bu gün Azərbaycan bir çox mühüm problemlərin həllinə yönəlmiş tədbirlərə ev sahibliyi edən ölkəyə çevrilib:

"Bu gün Azərbaycanın günbəgün artan beynəlxalq nüfuzu, beynəlxalq məsələlərin tənzimlənməsində mühüm rol oynayır. Məhz buna görə də ölkəmiz çox vacib beynəlxalq forumlara və tədbirlərə ev sahibliyi edərək, qlobal və regional sabitliyə töhfəsini verir.Azərbaycan Prezidenti cənab İlham Əliyev XIII Qlobal Forumun açılış mərasimindəki çıxışında növbəti dəfə dünyada və regionumuzda baş verən proseslər və digər aktual mövzularla bağlı fikirlərini söylədi. Cənab Prezidentin də qeyd etdiyi kimi Nizami Gəncəvi Beynəlxalq Mərkəzi bu gün aparıcı beynəlxalq təsisatlardan biri kimi burada bir çox məsələlər müzakirə olunur. Təşkilat yaxşı beynəlxalq nüfuza malikdir. Bu gün təşkilatın sistemli yanaşmaların, dəyişən beynəlxalq vəziyyətə aid olan məsələlərə mövqeyin formalaşmasında böyük rolu var.

Qlobal Bakı Forumu və dünyanın müxtəlif ölkələrindən gəlmiş ekspertlərin bir araya gətirilməsi bu problemlərin həllinə töhfə verən çox önəmli platforma kimi bundan sonra öz töhfələrini verəcək. Ən önəmlisi isə bu cür tədbirlər qlobal əməkdaşlığı gücləndirir və problemlərin həllində beynəlxalq təcrübə mübadiləsini təmin edir".

Telegramda izləyin