Miss & Mister Of Azerbaijan 2026 Kasting Mərhələsi Uğurla Keçirildi - FOTO/VIDEO

25 yanvar 2026-cı il tarixində Bakı şəhərində yerləşən High Boost restoranında "Rich Events Group"un təşkilatçılığı, "Azmedia.Az" saytının dəstəyi ilə "Miss & Mister Of Azerbaijan" layihəsinin rəsmi kasting mərhələsi uğurla təşkil olunmuşdur.

Azmedia.Az xəbər verir ki, kastingdə Azərbaycanın müxtəlif bölgələrindən gəlmiş gənc və perspektivli iştirakçılar öz bacarıqlarını, səhnə mədəniyyətini və modelllik potensialını nümayiş etdirmişlər.

Tədbirin əsas məqsədi ölkəmizi beynəlxalq səviyyədə təmsil edə biləcək yeni simaların aşkar olunması və model sahəsində istedadlı gənclərə imkan yaradılması olmuşdur. Kasting mərhələsində iştirakçılar peşəkar münsiflər heyəti tərəfindən qiymətləndirilmiş, onların görünüşü, səhnə duruşu, özünü təqdim etmə bacarığı və ümumi xarizması nəzərə alınmışdır.
Miss Mister Of Azerbaijan 2026 gözəllik müsabiqəsinin layihə rəhbəri Aqil İlqar oğlu və Layihənin İcraçı direktoru Peşəkar Beynəlxalq dərəcəli təşkilatçı Pərviz Əzimzadədir.

Miss Mister Of Azerbaijan 2026 gözəllik müsabiqəsində peşəkar münsiflər heyətinin iştirakı ilə və onların verdiyi səslər nəticəsində finalçılar bəlli olacaq. Onuda diqqətə çatdıraqki Münsiflər Heyətinin Sədri Azərbaycan Respublikasının Xalq Artisti Tünzalə Ağayevadır. Münsif heyətində tanınmış dizayner Orxan Sultan, Akademik Professor Yaşar İbadov, tanınmış aparıcılar Ada Süleyman, Ayşən Alişanova, Formula 1 Marşalı Sair İsgəndərov və digər sahədən olan şəxslər yer almışdır. Finala isə 22 xanım və 22 bəy vəsiqə qazanmışdır.

Xanımlar - Aydan Əliyeva, Aynur Qasımova, Aytac Həmidli, Çinarə Gülverdiyeva, Fatimə Sadıqova, Gül Bayramova, Gülşən Feyzullayeva, Humay Əlizadə, İlahə Kərimova, Lamiyə Şahbazova, Ləman Soltanova, Lalə Novruzova, Məryəm Əliyev, Nuray Allahverdiyeva, Nuray Nağıyeva, Nəzrin Mirzəzadə, Özdemir Serab, Pərəsto Qənizadə, Qəmər İsmayıllı, Raşel Paşazadə, Röya Sultanova və Səidə Mehdiyevadır.

Bəylər - Anar Abdulazimov, Anar Əzizov, Aqil İsmayılov, Arslan Allahverdiyev, Asiman Abdullayev, Aydın Ağaverdiyev, Erkin Quliyev, Fərda Miqdad, Kənan Həsənov, Maarif Namazov, Murad Rufullayev, Natiq Davudov, Qahir Səlimli, Roman Ağazadə, Rəbbi Məmmədov, Sirac Baxışov, Toğrul Paşayev, Ümid Bağırov, Xalid Fəttah, Xəyyam Cəfərzadə, Əli Həsənli və Cəmil Xudaverdiyevdir.

Tədbir moda və gözəllik sahəsinə maraq göstərən gənclərin böyük diqqətini cəlb etmiş və yüksək təşkilatçılıq səviyyəsində həyata keçirilmişdir. Miss & Mister Of Azerbaijan layihəsi gələcəkdə də gənc modellərin inkişafı və Azərbaycan moda sənayesinin beynəlxalq səviyyədə tanıdılması istiqamətində fəaliyyətini davam etdirəcəkdir.

Telegramda izləyin