İranla gərginlik fonunda Tramp səhnədə rəqs etdi: ABŞ liderinin rahatlığı diqqət çəkdi - VİDEO

ABŞ Prezidenti Donald Trump İranla hərbi gərginliyin davam etdiyi bir dövrdə Kentucky ştatında keçirilən mitinqdə enerjili davranışları və rəqs hərəkətləri ilə diqqət çəkib.

Sonxeber.az xarici mediaya istinadən xəbər verir ki, tədbirdə Trampın səhnədə sərgilədiyi rahat və əyləncəli görüntülər sosial şəbəkələrdə geniş yayımlanıb. Görüntüləri isə Rapid Response 47 adlı Ağ Ev-in rəqəmsal kommunikasiya hesabı paylaşaraq izləyicilərlə bölüşüb.

Kadrlarda Trampın gərgin vəziyyətə baxmayaraq enerjili, rahat və əhval-ruhiyyəsinin yüksək olduğu müşahidə olunur. Siyasi şərhçilər isə bu paylaşımın prezidentin böhran şəraitində belə sakit qaldığını və vəziyyəti nəzarətdə saxladığını nümayiş etdirməyə yönəlmiş kommunikasiya strategiyası olduğunu bildirirlər.

Həmçinin analitiklər qeyd edir ki, belə görüntülər seçicilərə liderin güclü və özünəinamlı bir fiqur olaraq qaldığı mesajını ötürmək məqsədi daşıyır.

Telegramda izləyin