KİV: Venesuela Aleks Saabı ABŞ-yə verməyə hazırlaşır

Karakas rəhbərliyi hazırda həbsdə saxlanılan Nikolas Maduronun tərəfdarının Birləşmiş Ştatlara ekstradisiyası istiqamətində müzakirələr həyata keçirir.

Oxu.Az məlumat verir ki, bu barədə "The Wall Street Journal" məlumat yayıb.

Məlumata görə, haqqında bəhs edilən fiqur Venesuelanın sabiq sənaye naziri Aleks Saabdır. Birləşmiş Ştatların prokurorluğu bu şəxsi Maduronun qeyri-qanuni fəaliyyətlərində əsas iştirakçı kimi qiymətləndirir.

Xəbərdə vurğulanıb ki, Saabın ABŞ-yə təhvil verilməsi Maduro iqtidarında təmsil olunan digər rəsmilərin də ölkəni tərk etməsinə səbəb ola bilər. Venesuelanın Əsas Qanunu yerli vətəndaşların ekstradisiyasına icazə vermədiyindən, dövlət əslən kolumbiyalı olan bu siyasətçinin vətəndaşlıqdan çıxarılması yollarını nəzərdən keçirir.

Xatırladaq ki, bu il yanvarın 3-də ABŞ Venesuelada genişmiqyaslı əməliyyat keçirib, nəticədə prezident Nikolas Maduro və onun həyat yoldaşı Siliya Flores həbs edilərək Nyu-Yorka aparılıblar.

Prezident Donald Tramp Maduro və Floresin narkoterrorizm və ABŞ-ni təhdid etmək ittihamları ilə mühakimə olunacaqlarını açıqlayıb. Venesuelanın vitse-prezidenti Delsi Rodriges müvəqqəti dövlət başçısı elan edilib.

Telegramda izləyin