KİV: III Çarlz Trampın Böyük Britaniyaya səfərinə qarşı olub
Britaniya Kralı III Çarlz ABŞ Prezidenti Donald Trampın 2025-ci ildə Böyük Britaniyaya ikinci dövlət səfərinin əleyhinə olub.
"Report"un məlumatına görə, bu barədə "The Spectator" jurnalı yazıb.
Nəşrin məlumatına görə, Bakinqem sarayı Trampın təkrar dövlət səfəri ideyasına sadəcə etibarsızlıqla yanaşmayıb, buna "qətiyyətlə və ardıcıl olaraq etiraz edib". Bildirilib ki, kralın şəxsi katibi Klayv Olderton ilkin olaraq ABŞ lideri ilə qeyri-rəsmi görüş keçirmək, tammiqyaslı dövlət səfərini isə daha sonra - 2026 və ya 2027-ci ildə təşkil etmək təklifini irəli sürüb.
Buna baxmayaraq, nəşr dəqiqləşdirib ki, Böyük Britaniyanın Baş naziri Kir Starmerin aparatı belə bir ssenarini rədd edib. Dauninq-strit 10-dakı iqamətgah "formal konstitusiya məsləhəti" prosedurundan istifadə edib ki, bu çərçivədə hökumət monarxa "qeyri-rəsmi təklif" göndərmir, ona göstərişlər verir.
Jurnal yazır ki, III Çarlzın mövqeyi Trampın Kanadanın ünvanına səsləndirdiyi bəyanatları mənfi qəbul etməsi ilə bağlı olub. Eyni zamanda, Kanada dövlətinin başçısı olan Böyük Britaniya Kralı ABŞ Prezidentinin qonşu ölkə haqqında "qeydlərini gülməli hesab etməyib".
Xatırladaq ki, Tramp dəfələrlə Kanadanı ABŞ-nin 51-ci ştatı adlandırıb.
Onu da qeyd edək ki, ABŞ lideri Birləşmiş Krallığa ikinci dövlət səfərini 2025-ci ilin sentyabrında həyata keçirib. O, Vindzor qəsrində III Çarlz tərəfindən qəbul edilib və Starmerlə onun "Çekers" şəhərkənarı iqamətgahında danışıqlar aparıb. Səfərin yekununda liderlər "texnoloji rifah" haqqında saziş imzalayıblar.
Trampın Böyük Britaniyaya ilk dövlət səfəri onun birinci prezidentlik müddəti dövründə - 2019-cu ildə baş tutub. O zaman üç günlük səfər çərçivəsində o, Kraliça II Elizabet (1926-2022) tərəfindən qəbul edilmişdi.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Dəfn müavinəti kimə 600 manat, kimə 3 misli ödənilir? - Vətəndaşların bilməli olduğu QAYDALAR
Əhaliyə XƏBƏRDARLIQ edildi - İyul və avqust aylarında...
Qadınların pensiya yaşı ilə bağlı SON XƏBƏR: İyulun 1-dən etibarən ...
Sosial müavinət və təqaüd alanlarla bağlı ŞAD XƏBƏR
Bu tarixdə QISA İŞ GÜNÜ OLACAQ
Bakıda su PROBLEMİ - Məhdudiyyətin SƏBƏBİ AÇIQLANDI
Bakıda suyun kəsilməsi ilə bağlı RƏSMİ AÇIQLAMA
Yumurtanın bişirilərkən çatlamasının qarşısını alan 5 sadə üsul
Hava KƏSKİN DƏYİŞƏCƏK: Temperatur enəcək - BU TARİXƏDƏK
PENSİYA YAŞINDA DƏYİŞİKLİK... - "Bu, yüksək məbləğdə pensiyaya imkan yarada bilər"
Soyuducuda xiyar saxlayarkən bu səhvi etməyin
Müəllimlər üçün vahid forma, yoxsa dres-kod?
Toy mədəniyyətində dönüş - ŞOK QADAĞA GÜNDƏMDƏ
Ayın 22-də ölkədə qısamüddətli yağış və külək gözlənilir - PROQNOZ
Bakıda DƏHŞƏTLİ QƏZA: Avtobus yaşlı qadının üstündən keçdi - ANBAAN VİDEO