Futbol oynayan yaşlı qadın nəvəsi yaşında gəncə həyatının şokunu yaşadıb - VİDEO

Braziliyada yaşlı qadının vurduğu qol sosial mediada gündəm olub.

Sonxeber.az xarici mediaya istinadən xəbər verir ki, Braziliyada yaş və cinsiyyət fərqi olmadan insanların futbola olan sevgisi diqqət çəkməyə davam edir. Küçədə oynanan bir futbol matçında yaşlı bir qadının vurduğu möhtəşəm qol sosial şəbəkələrdə geniş marağa səbəb olub.

Küçədə keçirilən oyunda topu ayağına alan yaşlı qadın əvvəlcə özündən xeyli gənc rəqibini ustalıqla keçib. Daha sonra qapıya güclü zərbə endirərək topu tora göndərib və qol vurub. Həmin anlar ətrafdakı şəxslər tərəfindən mobil telefonla lentə alınıb.

Qısa müddətdə sosial mediada yayılan görüntülər futbolsevərlərin böyük rəğbətini qazanıb. Bir çox istifadəçi Braziliyada futbol mədəniyyətinin hər yaşda yaşadığını vurğulayan şərhlər yazıb.

Bəzi sosial media istifadəçiləri videonun süni intellekt vasitəsilə hazırlanmış ola biləcəyi ehtimalını da irəli sürüblər. Buna baxmayaraq, görüntülər internetdə müzakirə olunmağa davam edir.

Telegramda izləyin