Həkim Sənan Xankişiyev barəsində məhkəmə iddiası: Pasiyentdən ağır ittihamlar - ŞİKAYƏT

Son dövrlər özəl tibb müəssisələri ilə bağlı şikayətlərin artdığı bir vaxtda daha bir qalmaqallı iddia gündəmə gəlib.

Redaksiyamıza daxil olan müraciətdə vətəndaş Mustafayeva Sevil həkim Sənan Xankişiyev Tofiq oğlu ilə bağlı ciddi iddialar irəli sürüb.

Sonxeber.az xəbərə verir ki, şikayətçinin sözlərinə görə, o, 28 yanvar 2022-ci il tarixində "Arash Estetik Mərkəzi" adlı klinikada müayinə olunub. Bildirir ki, müayinə zamanı ona çənəsində bədxassəli şiş və digər dişlərində kist olduğu deyilib. Bu əsasla bir neçə dişinin çıxarıldığını və implantasiya edildiyini iddia edir.

Pasiyent qeyd edir ki, o, yalnız bir dişə implant qoyulmasına razılıq verib. Onun iddiasına görə, digər müdaxilələr razılığı olmadan, anesteziya altında və psixoloji təzyiq şəraitində həyata keçirilib.

Müraciətdə o da bildirilir ki, biopsiya nəticələri məlum olmadan implant yerləşdirilib və bu müdaxilə nəticəsində sinir zədələnməsi baş verib. Şikayətçi hazırda ömürlük sağlamlıq problemi ilə üzləşdiyini deyir.

Mustafayeva Sevil əlavə edir ki, klinika tərəfindən tibbi sənədlər və rentgen görüntüləri ona təqdim edilmir. Onun sözlərinə görə, hadisə ilə bağlı əlində müxtəlif sübutlar və ekspertiza rəyləri mövcuddur.

Şikayətçi artıq məsələ ilə bağlı məhkəməyə müraciət etdiyini və hüquqlarının bərpasını tələb etdiyini bildirib.

Sonxeber.az məsələ ilə bağlı qarşı tərəflə əlaqə saxladı və həkim Sənan Xankişiyev pasiyentin iddialarına cavab olaraq bildirdi ki, sübutlar mövcuddur və artıq məhkəməyə təqdim olunub. Qarşı tərəf onu da əlavə etdi ki, məhkəmə prosesi başa çatdıqdan sonra nəticələr tezliklə ictimaiyyətlə paylaşılacaq.hhh4-unikal]

Telegramda izləyin