96 yaşlı qadının həyat enerjisi gənclərə nümunə oldu

Kırklareli bölgəsinin Geçitağzı kəndində yaşayan 96 yaşlı Hatice Duyu yaşına rəğmən həyat enerjisi ilə gənclərə nümunə olur.

Sonxeber.az türk mediasına istinadən xəbər verir ki, gənc yaşında kəndə gəlin gələn Duyu, həyat yoldaşını 25 il əvvəl itirdikdən sonra iki otaqlı evində tək yaşayır.

Kənddə "əsrlik çinar" kimi tanınan Hatice nənə, qış aylarında sərt hava şəraitinə baxmayaraq həm qonaqlarını gözləyir, həm də əlindən tespihini düşürmədən dua edir. Yaz aylarında isə evinin bağında torpaqda işləyir, pomidor, bibər və kahı kimi məhsullar yetişdirir.

Yaşına rəğmən bütün işlərini özbaşına yerinə yetirən Duyu, təbii məhsullarla qidalanır. AA müxbirinə verdiyi açıqlamada normalda 100 yaşında olduğunu, lakin rəsmi sənədlərdə 96 yaşında göründüyünü söyləyib.

Duyu, bütün qardaşlarının dünyasını dəyişdiyini deyib. Çox yemədiyini və təbii qidalarla qidalandığını vurğulayan Duyu belə deyib: "Həkimlər deyir ki, bu yaşda belə olmağım möcüzədir. Rəbbim mənə ömür versin".

Duyu kəndin ən yaşlı sakini olduğunu bildirib. Keçmiş illəri, dostlarını, həyat yoldaşı və yaxınlarını xatırlayanda çox duygulandığını söyləyən Hatice nənə, kənddə yaşamağın gözəl olduğunu vurğulayıb və Atatürkü də yad etdiyini qeyd edib.

Telegramda izləyin