13 nömrəli avtobusun sürücüləri bir-biri ilə dalaşıb, dayanacağa gəlmirlər - ŞİKAYƏT

Bakıda ictimai nəqliyyatda yaşanan problemlər vətəndaşların narazılığına səbəb olmağa davam edir.

Sonxeber.az -a danışan paytaxt sakinlərinin sözlərinə görə, 13 nömrəli avtobus marşrutunda sürücülər arasında yaranan mübahisələr sərnişinlərə ciddi çətinlik yaradır. Bildirilir ki, bəzi hallarda sürücülər bir-biri ilə dava etdikləri üçün avtobuslar ilk dayanacağa vaxtında gəlmir.

Xüsusilə səhər saatlarında Koroğlu metrosu ətrafında yerləşən "Bakubus" ərazisində boş avtobuslar olmasına baxmayaraq, marşrut üzrə 30 dəqiqəyə qədər interval yaranır. Nəticədə sərnişinlər işə və digər təyinat nöqtələrinə gecikdiklərini bildirirlər.

Şikayətçilərin sözlərinə görə, bəzi sürücülər şəxsi münasibətlərə görə dayanacaqlara yaxınlaşmaqdan imtina edir və bu da xidmətin keyfiyyətinə mənfi təsir göstərir.

Vətəndaşlar məsələ ilə bağlı aidiyyəti qurumlardan nəzarətin gücləndirilməsini və problemin aradan qaldırılmasını tələb edirlər.

Telegramda izləyin