"Çinar An" MTK-nın işi binanı işıqsız qoydu - sakinlər kömək istəyir - ŞİKAYƏT

Paytaxtda yerləşən "Çinar An" MTK-ya məxsus yaşayış binası ətrafında narahatlıq doğuran vəziyyət yaranıb. Sakinlərin iddiasına görə, obyekt açmaq məqsədilə aparılan işlər gözlənilməz problemlərə səbəb olub.

Bu barədə Sonxeber.az xəbər verir. Görüntülərdən də aydın olur ki, bina ətrafında torpaq qazıntısı aparılan sahədə güclü su axını yaranıb. Axan suyun bulanıq olması və təzyiqlə küçəyə yayılması ehtimal yaradır ki, tikinti zamanı yeraltı su və ya kanalizasiya xətti zədələnib. Nəticədə ərazi su altında qalıb, bu isə həm hərəkəti çətinləşdirib, həm də sakinlər üçün əlavə risk yaradıb.

Digər tərəfdən, iddialara əsasən, baş verən bu proses fonunda bina dünəndən etibarən işıqsız qalıb. Sakinlər vəziyyətin getdikcə daha da ağırlaşdığını bildirərək aidiyyəti qurumlardan təcili müdaxilə gözlədiklərini deyirlər.

Telegramda izləyin