Gec gələn zəng qadının məzarlıqda ölməsinə səbəb oldu - VİDEO

Türkiyənin Aksaray vilayətində məzarlıq ziyarəti zamanı dəhşətli qətl hadisəsi baş verib.

Sonxeber.az xarici mediaya istinadən xəbər verir ki, hadisə Ortaköy rayonunun Oğuzlar kəndində, Gamze Yıldırım adlı qadının valideynlərinin məzarını ziyarət edib dua etdiyi vaxt baş verib. Bu zaman qadının boşanmaq üzrə olduğu həyat yoldaşı Habib Emre Yıldırım hadisə yerinə gələrək əvvəlcə Gamze Yıldırıma, sonra isə bacısına atəş açıb. Gamze Yıldırım hadisə yerində ölüb, bacısı isə xəstəxanaya yerləşdirilib.

Məlum olub ki, qadın bir müddət əvvəl ərindən ayrılıb və onun barəsində elektron qolbaqla nəzarət qərarı çıxarılıb. Hadisə günü də onun yaxınlaşdığı barədə xəbərdarlıq edilib.

Hücum edən şəxs qısa müddətdə saxlanılaraq həbs edilib. Ailə isə bildirir ki, vaxtında müdaxilə olunsaydı, bu faciənin qarşısı alına bilərdi və təqsirkarın ən ağır şəkildə cəzalandırılmasını tələb edir.

Telegramda izləyin