Anın içində olmaq, yoxsa telefonu ilə çəkmək: hansı daha dəyərlidir? - AÇIQLAMA

Müasir dövrdə insanlar xoş anları yalnız yaşamaqla kifayətlənmir, onları həm də telefon vasitəsilə qeydə almağa çalışırlar. Bu isə çox vaxt diqqətin iki yerə bölünməsinə səbəb olur: bir tərəfdə real yaşantı, digər tərəfdə isə onu "itirməmək" üçün çəkiliş etmək ehtiyacı. Nəticədə insan bəzən anın içində olmaqla onu yadda saxlamaq arasında seçim etməli olur.
Bəs, insan xoş anı telefonla çəkməyə fokuslananda, bu onun həmin anı emosional olaraq daha zəif yaşamasına səbəb olurmu, yoxsa əksinə, xatirənin dəyərini və yaddaşda qalma gücünü artırır?

Mövzu ilə bağlı Sonxeber.az-a psixoloq Samirə Bağırova danışıb.

O, açıqlamasında qeyd edib ki, bu müasir psixologiyada ən çox müzakirə olunan mövzulardan biridir və buna " diqqət yükü " deyilir:

"Hər iki vəziyyəti idarə etməyə çalışan insan, istər- istəməz çəkilişə fokuslananda diqqət bölünməsi və anın zəifləməsi baş verir. Nəticədə emosional dərinlik azalır və an tam hiss edilmir. Amma bir məsələ də var ki, əgər insan professional şəkildə çəkiliş edirsə, diqqətli şəkildə detala fokuslanırsa əksinə daha yaxşı yaddaşda qala bilər. Əgər anı hiss edərək çəkirsə emosional bağ qoruna bilər. Yəni məsələ çəkmək yox, necə çəkməkdir. Yəni, şüurlu və balanslı çəkiliş xatirəni gücləndirə bilər. Göstəriş üçün çəkiliş etmək istəyən yaxşı olar ki, əvvəlcə anı yaşasın sonra qısa çəkiliş etsin".

Vüsalə İbrahimli

Telegramda izləyin