Arıların kütləvi ölümünün arxasında hansı əsas səbəblər dayanır? - AÇIQLAMA

Son illərdə dünyada və regionda arı populyasiyalarının sürətlə azalması narahatlıq doğuran əsas ekoloji problemlərdən birinə çevrilib.

Kənd təsərrüfatının davamlılığı və qida təhlükəsizliyi baxımından mühüm rol oynayan bu canlıların kütləvi şəkildə məhv olması alimləri, fermerləri və ictimaiyyəti ciddi şəkildə düşündürür.

Bəs arıların kütləvi ölümünün arxasında hansı əsas səbəblər dayanır?

Arıçılıq üzrə ekspert Elvin Bayramlı bu barədə Sonxeber.az -a açıqlama verib:

"Arılarla qidalanan gənələr dərmanlara qarşı immunitet qazanıb. Nəticədə sayları müalicə zamanı arzulanan minimuma düşmür, sürətlə çoxalır. Çoxaldıqda özləri arılara zərər verməklə həm yaydığı viruslar da arıların məhv olmasına səbəb olur. Gənələr və onların yaydığı viruslar bir yerdə olduqda arı ailəsinin sağ qalması mümkün deyil. Ana arıların qəfəslənməsi əsas şərtdir. Nəticədə balasız dövr yaranır. Bal süzümündən sonra turşularla (quzuqulağ və qarışqa turşuları) müalicə və anaların yenidən yumurtaması üçün qəfəsdən buraxılması. Qəfəsləmə zamanı gənələrin artımı dayanır, sayı bəlli qisimdə azalır, virusların yayılmasının qarşısı alınmış olur".

Telegramda izləyin