"Yığıb deyir ki, mənə görə üstünə "təcili yardım" gəlir" - VİDEO

Müğənni Vəfa Şərifova açıqlaması ilə gündəmə gəlib.

Milli.Az xəbər verir ki, sənətçi sosial şəbəkədə etdiyi paylaşımda ona qarşı qısqanclıq göstərdiyini iddia etdiyi həmkarına sərt sözlər ünvanlayıb. İfaçı bildirib ki, qarşı tərəfin prodüseri onun prodüserinə zəng edərək səhhətində problemlər yaşadığını deyib.

Şərifova bu iddialara ironik yanaşaraq belə deyib: "Deyirlər ki, 3 gündür təzyiqi düşmür, təcili yardımlar gəlib-gedir. Mən iş görməyim ki, sən pis olursan? Belə şey olmayıb, tarixdə də yoxdur".

Müğənni əlavə edib ki, son konsertindən sonra yayılan görüntülərə yazılan mənfi rəylərdən sonra bu mövzuya münasibət bildirmək qərarına gəlib. O, həmkarlarına çağırış edərək özlərinə və dinləyicilərinə hörmətlə yanaşmalarını tövsiyə edib.

Vəfa həmçinin köməkçisinə zəng olunaraq belə sözlər deyilməsinə etiraz edib: "Köməkçimi yığıb üzərinə ağlamayın, onu ruhdan salmayın".

Sənətçi səsləndirilən bəzi iddialara da aydınlıq gətirərək qeyd edib ki, konsertdə təqdim olunan güllər və digər məsələlərin onunla əlaqəsi düzgün yozulmur və artıq bu mövzuların mənasız olduğunu düşünür:

"Onun prodüseri mənim prodüserimə zəng edib deyir ki, 3 gündür təzyiqi düşmür, təcili yardımlar gəlib-gedir. Mən iş görməyim ki, sən pis olursan? Belə dərdi heç kim yaşamır, tarixdə də belə şey olmayıb. Konsert vermişəm, nə etmişəm ki? Səhifələr konsertdən görüntülər paylaşdı, mənfi rəylər gördüm, ona görə də elə yazdım. Bəsdir, ayıbdır! Özünüzə hörmət qoymursunuzsa, heç olmasa dinləyicilərinizə qoyun - sizin də öz kütləniz var. Mənim köməkçimi yığıb üzərinə ağlamayın, onu ruhdan salmayın. Konsertdəki güllər mənə edilən jest idi, o musiqiçi vaxtilə mənimlə işləyib - bunun nə əlaqəsi var? Artıq bu söhbətlər mənasızdır".

Onun bu açıqlamaları sosial şəbəkələrdə geniş müzakirələrə səbəb olub və istifadəçilər arasında müxtəlif reaksiyalar doğurub.

Telegramda izləyin