Armudun çürük hissəsini etiketlə gizlədib satdılar - VİDEO

Çürük armudların üzərinə etiket vuraraq satışa çıxaran satıcıya etiraz edən gənc qızın görüntüləri sosial şəbəkələrdə sürətlə yayılıb və geniş müzakirələrə səbəb olub.

Sonxeber.az türk mediasına istinadən xəbər verir ki, görüntülərdə gənc qız aldığı armudların çürük hissələrinin etiketlə ört-basdır edildiyini iddia edərək satıcıya sərt reaksiya göstərir. O, "Siz bu qədər əxlaqdan, vicdandan uzaq ola bilərsinizmi?" sözləri ilə narazılığını ifadə edir.

Qısa müddətdə minlərlə baxış və paylaşım toplayan video sosial mediada böyük rezonans doğurub. İstifadəçilər hadisə ilə bağlı çoxsaylı rəylər yazıblar. Paylaşıma edilən şərhlərdə "Çürümüşlük artıq həddini aşıb" və "Çox haqlıdır, ümid edirik ki, aidiyyəti qurumlara şikayət edər" kimi fikirlər üstünlük təşkil edib.

Telegramda izləyin