Dörd azərbaycanlının 41 milyard dollar sərvəti var

"Forbes" jurnalı Rusiyanın ən varlı iş adamlarının yeni siyahısını təqdim edib.

Qaynarinfo xəbər verir ki, siyahıda 4 Azərbaycan əsilli milyarder də yer alıb.

Ən varlı Azərbaycan əsilli rusiyalı Vahid Ələkbərov olub. "Lukoyl"un keçmiş sahibi, "Gələcəyimiz" Fondunun İctimai Şurasının sədri, azərbaycanlı iş adamının sərvəti 29,5 milyard dollardır. O, Vladimir Potaninlə 2-3-ü yerləri bölüşür.

Azərbaycan əsilli Zarax İliyevlə Qod Nisanovun hər birinin sərvəti 5,1 milyard dollardır. Onlar 37-38-ci yerləri bölüşür.

Daha bir həmyerlimiz Fərhad Əhmədov isə 86-cı pillədə qərarlaşıb. Onun sərvəti 1,7 milyard dollar qiymətləndirilir.

Qeyd edək ki, siyahıda ümumilikdə 155 milyarderin adı yer alıb. İlk pillədə 37 milyard dollarla Aleksey Mordaşov qərarlaşıb. Vahid Ələkbərovla Vladimir Potanin 29,5 milyard dollarla 2-3-cü yerləri tutur. Leonid Mixelson və ailəsi 28 milyard dollarla 4-cü, Süleyman Kərimov və ailəsi 25,7 milyard dollarla 5-cidir.

Telegramda izləyin