"Kilolarla qızıl, çemodan-çemodan pul dövrü bitdi" - Aşirətindən toylarla bağlı yeni qərar

Şırnakın ən böyük aşirətlərindən biri sayılan Goyan aşirəti toy mərasimləri ilə bağlı yeni qərarlar qəbul edib. Aşirət rəhbərliyi tərəfindən qəbul olunan qaydalar ümumilikdə 21 sahəni əhatə edir və əsas məqsəd gənclərin daha rahat şəkildə ailə qurmasına şərait yaratmaqdır.

Sonxeber.az türk mediasına istinadən xəbər verir ki, yeni qərarlara əsasən, toy mərasimlərində həddindən artıq xərc tələb edən ənənələrə məhdudiyyət qoyulub. Qızıl və digər bahalı hədiyyələrin miqdarı azaldılıb, böyük məbləğdə pul vəsaitlərinin təqdim edilməsi ilə bağlı qaydalar sərtləşdirilib. Bundan əlavə, foto və video çəkilişləri, musiqi qrupları və orkestr xidmətləri kimi xərcli sahələrdə də sadələşdirmə aparılıb.

Aşirət nümayəndələri bildiriblər ki, əvvəlki illərdə toy mərasimləri zamanı kilolarla qızıl və külli miqdarda pul xərclənməsi ailələr üçün ciddi maddi yük yaradırdı. Yeni qaydalar bu yükü azaltmaqla yanaşı, gənclərin evliliyə daha asan addım atmasına imkan verəcək.

Qərar yerli icma tərəfindən müsbət qarşılanıb və bu təşəbbüsün digər bölgələr üçün də nümunə ola biləcəyi vurğulanır.

Telegramda izləyin