Fənərbaxça azarkeşlərini qəzəbləndirən görüntü: "Orada nə işi var?"

Fənərbaxça klubunun stadion diktoru Hakkı Akkayanın Kütahyaspor komandasının çempionluq şənliyində səhnəyə çıxması sosial mediada geniş müzakirələrə səbəb olub.

Sonxeber.az türk mediasına istinadən xəbər verir ki, yayılan görüntülərdə Akkayanın Kütahyasporun çempionluq tədbirində aktiv iştirak etdiyi görünür. Bu isə sarı-lacivərdli azarkeşlər arasında narazılıq yaradıb. Bir çox tərəfdar onun bu addımını tənqid edərək, Fənərbaxça ilə bağlı bağlılığını sual altına alıb.

Sosial şəbəkələrdə "Orada nə işi var?" kimi reaksiyalar diqqət çəkib. Bəzi istifadəçilər klubun rəsmi simalarından birinin başqa bir komandanın tədbirində iştirak etməsini doğru hesab etmədiklərini bildiriblər.

Hadisə qısa müddətdə gündəmə çevrilib. Məsələ ilə bağlı nə Hakkı Akkaya, nə də Fənərbaxça klubu tərəfindən hələlik rəsmi açıqlama verilməyib.

Telegramda izləyin