Türbə fotosuna görə qalmaqal: "Mənə məhkəmə ilə hədələdilər" - VİDEO

Türkiyədə bir gənc qadının sosial şəbəkədə paylaşdığı hadisə gündəm olub. Türbə fotosu ilə bağlı yaşanan mübahisə sosial mediada geniş müzakirələrə səbəb verib.

Sonxeber.az türk mediasına istinadən xəbər verir ki, qadın çəkdiyi türbə fotosundan istifadə etmək istəyən azan oxuyan şəxsdən müəllif hüquqlarının qorunmasını tələb edib. Onun sözlərinə görə, fotonun istifadəsi üçün 1.500 TL məbləğində ödəniş istədikdən sonra qarşı tərəfin münasibəti dəyişib.

Gənc qız bildirib ki, azan oxuyan şəxs əvvəlcə nəzakətli davransa da, məbləği eşidəndən sonra sərt reaksiya verib. O, qadına tarixi abidələr sırasına məxsus əsərin icazəsiz çəkildiyini və bunun qanunsuz olduğunu deyib.

Qadının iddiasına görə, həmin şəxs məsələ ilə bağlı bölgə müdürü ilə danışdığını və ona qarşı məhkəmə iddiası qaldırıla biləcəyini bildirib.

Hadisə sosial şəbəkələrdə müxtəlif reaksiyalar doğurub.

Telegramda izləyin