Yıldız Tilbe haqqında yayılan iddiaları təkzib etdi

Sosial şəbəkələrdə aktrisa Ege Kökenli adından yayılan və müğənni Yıldız Tilbe ilə bağlı iddialar müzakirələrə səbəb olub.

Sonxeber.az xarici mediaya istinadla xəbər verir ki, paylaşımlarda Ege Kökenlinin həyat yoldaşı Lior Ahituvun "sionist olduğu" iddiası ilə Yıldız Tilbe tərəfindən bir mükafat mərasimində fiziki hücuma məruz qaldığını dediyi irəli sürülüb.

İddialardan sonra açıqlama verən Yıldız Tilbe bu məlumatların yalan olduğunu bildirərək, tanımadığı insanlar haqqında yayılan böhtanlardan narahatlığını ifadə edib.

Daha sonra Ege Kökenli də məsələ ilə bağlı danışaraq, sosial şəbəkələrdə yayılan sözlərin ona aid olmadığını vurğulayıb. Aktrisa Yıldız Tilbe ilə heç vaxt tanış olmadığını və iddia edilən hadisənin baş vermədiyini bildirib.

Beləliklə, sosial mediada geniş yayılan qalmaqallı paylaşım hər iki tərəfin açıqlaması ilə təkzib olunub.

Telegramda izləyin