Ələkbərli Zeyd İspaniyanın "Deportivo Peñas" klubuna keçdi

Azərbaycan futbolunun gənc istedadlarından olan, "Qarabağ" futbol klubunun U-16 komandasının əsas qapıçısı olan Ələkbərli Zeyd karyerasında mühüm mərhələyə qədəm qoyub. 2011-ci il təvəllüdlü futbolçu rəsmən İspaniyanın "Deportivo Peñas" klubunun heyətinə qoşulub.

Gənc futbolçunun İspaniyada çıxış etməsi onun üçün həm böyük təcrübə, həm də peşəkar inkişaf baxımından mühüm fürsətdir. Zeyd yeni klubunda 18 yaşlılar arasında mübarizə aparacaq və "1" nömrəli forma ilə meydana çıxacaq.

Daha yuxarı yaş qrupunda çıxış etmək Zeydin futbol bacarıqlarını inkişaf etdirməsi, yüksək səviyyəli rəqabət mühitində təcrübə qazanması və gələcək karyerasına mühüm töhfələr verməsi baxımından əhəmiyyətlidir. İspaniya futbol məktəbinin texniki hazırlığa, taktiki düşüncəyə və oyun intizamına xüsusi önəm verməsi gənc futbolçunun inkişafı üçün əlavə imkanlar yarada bilər.

Ələkbərli Zeydin İspaniya klubuna keçidi eyni zamanda Azərbaycan futbolunda yetişən gənc istedadların beynəlxalq arenada özlərini göstərməsi baxımından da sevindirici hadisədir. Qarşıdakı dövrdə onun "Deportivo Peñas"ın heyətində göstərəcəyi çıxışlar böyük maraqla izləniləcək.

Zeyd Ələkbərliyə yeni klubunda uğurlar, sağlamlıq və bol qələbələr arzulayırıq. İnanırıq ki, gənc futbolçu qarşısına qoyduğu məqsədlərə çatmaq üçün əzmlə çalışacaq və gələcəkdə Azərbaycan futbolunu layiqincə təmsil edəcək.

Uğurlar, Zeyd! Yeni klubunda yolun açıq, karyeran parlaq olsun!

Telegramda izləyin