David Seliverstov "90 min dollar"la bağlı yeni sübutlar təqdim etdi: Çingiz Qənizadənin yalanı İFŞA EDİLDİ - VİDEO

"Magen David Azerbaijan" insan hüquqlarının müdafiəsi və xeyriyyəçilik cəmiyyətinin sədri David Seliverstov sosial şəbəkədə paylaşdığı növbəti videoda hüquq müdafiəçisi Çingiz Qənizadənin yalanını ifşa edib.

Seliverstov sosial şəbəkədə paylaşdığı ilk video müraciətində "90 min dollar"la bağlı məsələnin üstündən sükutla keçmək niyyətində olmadığını və bununla bağlı geniş fakt və sübutlar təqdim edəcəyini bildirib.

Onun sözlərinə görə, bu məsələ ilə bağlı Çingiz Qənizadənin də açıqlama verməli olduğu məqamlar var. Seliverstov xüsusilə "90 min dollar nədir?" sualını önə çəkərək, həmin məbləğin mahiyyətinin ictimaiyyətə aydınlaşdırılmasını tələb edib.

"Mən yaxşı bilirəm 90 min dollar nədir. Sən də yaxşı bil, Çingiz Qənizadə, o 90 min dollar nədir", - deyə Seliverstov video müraciətində bildirib.

Nizami Məmmədov məsələsi də gündəmdə

David Seliverstovun paylaşdığı videoda "90 min dollar" məsələsi ilə yanaşı, Müdafiə Nazirliyinin sabiq Maliyyə-Büdcə İdarəsinin rəisi Nizami Məmmədovun məhkəmə işi də geniş şəkildə gündəmə gətirilib.
Seliverstov Nizami Məmmədovun 2021-ci ildə həbs edildiyini və məhkəmə qərarı ilə 11 il 6 ay müddətinə azadlıqdan məhrum edildiyini bildirib. O, dövlət büdcəsinə vəsaitlərin mənimsənilməsi ilə bağlı ittihamların olduğunu, iş üzrə apellyasiya prosesinin davam etdiyini qeyd edib.

Seliverstovun fikrincə, dövlət vəsaitlərinin mənimsənilməsi ilə bağlı məhkəmə tərəfindən təqsirli bilinən şəxslərə münasibətdə əsas meyar qanun olmalıdır.

"Mənim mövqeyim aydındır: dövlətimizin büdcəsinə zərər vuran, dövlət vəsaitlərinin mənimsənilməsində təqsirli bilinən şəxslər qanun qarşısında cavab verməlidirlər", - deyə o bildirib.

Qənizadəyə konkret suallar

Video müraciətdə Seliverstov Çingiz Qənizadənin bəzi şəxslərlə münasibətlərinə dair də suallar səsləndirib. O, Qənizadədən müxtəlif şəxslərlə görüşlərinin və bu görüşlərdə hansı məsələlərin müzakirə edilməsinin açıqlanmasını istəyib.

"Faktları ortaya qoyacağam"

Seliverstovun ilk video müraciətində əsas mesajlarından biri "90 min dollar" məsələsi ilə bağlı əlavə məlumat və sübutların təqdim ediləcəyidir. O, Çingiz Qənizadənin bu məsələyə münasibət bildirməsini tələb edib və əks təqdirdə həmin faktları özünün paylaşacağını vurğulayıb.

İctimaiyyət üçün ən mühüm məsələ isə qarşılıqlı ittihamlarla bağlı hansı faktların və sübutların ortaya qoyulacağı idi. David Seliverstovun paylaşdığı video müraciətdə də məhz bu məsələ növbəti açıqlamaların əsas istiqaməti kimi təqdim olunmuşdu.

Çingiz Qənizadə David Seliverstov ilk video müraciətində ünvanladığı suallara cavab vermədiyi üçün "90 min dollar"la bağlı sübutları sosial şəbəkədə paylaşıb.

Qeyd edək ki, Çingiz Qənizadə mediada verdiyi açıqlamada 90 min dolları David Seliverstovun dələduzluq yolu ilə insanları aldadıb, saxta vədlər verərək əldə etdiyini, qaytarmadığını, hətta sonradan əlavə məbləğ də tələb etdiyini qeyd etsə də paylaşılan videoda Nəsimi Məmmədov o pulun işlə bağlı alındığını və geri qaytarıldığını söyləyib. Rəşad isə o pulun borc alındığını və geri qaytarıldığını qeyd edib.Bundan əlavə videoda pulu alan şəxslər Çingiz Qənizadə ilə əlaqə saxlayıb.

90 min dolların qaytarılması ilə bağlı David Seliverstovun sosial şəbəkədəki özünün şəxsi səhifəsində paylaşdığı videonu aşağıdakı linkə daxil olaraq baxa bilərsiniz:

https://www.facebook.com/share/v/1Hi8KFjAUT/

Telegramda izləyin