Sünnət toyunda qeyri-adi görüntülər: Ana taxtda, rəqqasə əlində canlı ilanla - VİDEO

Türkiyədə keçirilən sünnət mərasimlərindən birində lentə alınan görüntülər mərasimin özündən çox nümayiş etdirilən dəbdəbə ilə gündəmə gəlib.

Sonxeber.az xarici mediaya istinadla xəbər verir ki, sünnət uşağının anası salona böyük bir taxtın üzərində daxil olub. Mərasimə isə əlində canlı ilan tutan rəqqasənin şousu da əlavə edilib. Görüntülər sosial mediada "Sünnət anası olmaq növbəsi mənə çatıb" qeydi ilə paylaşılıb.

Son dövrlərdə ənənəvi sünnət mərasimlərinin sosial mediada daha çox diqqət və qarşılıqlı əlaqə qazanmaq məqsədilə nümayiş meydanına çevrilməsi müzakirə olunur. Sözügedən mərasimdə də dəbdəbənin həddi diqqət çəkib.

Mərasimin əsas iştirakçısı olan uşağın kölgədə qaldığı görüntülərdə ana sanki kraliça kimi taxt üzərində salona gətirilib. Bununla kifayətlənməyən təşkilatçılar mərasimə əlində canlı ilanla çıxış edən rəqqasəni də daxil ediblər.

Görüntülərin sosial şəbəkələrdə yayılmasından sonra çox sayda istifadəçi mərasimi tənqid edib. İstifadəçilər uşaqların sünnəti bəhanə edilərək böyüklərin özlərini nümayiş etdirmək və diqqət çəkmək istəyinin ön plana keçdiyini bildiriblər.

Hadisə sosial mediada sünnət mərasimlərində artan dəbdəbə və nümayişkarlığın müzakirə olunmasına səbəb olub.

Telegramda izləyin