Qonşusunu o halda görüb fotosunu paylaşdı: "Demək, tək deyilmişəm"

Türkiyədə sosial mediada paylaşılan bir fotoşəkil boşanma prosesində olan cütlüklərin yaşadığı problemləri yenidən gündəmə gətirib.

Sonxeber.az xarici mediaya istinadla xəbər verir ki, bir vətəndaş boşanma mərhələsində olan qonşusunun gecəni evinin qarşısında park etdiyi avtomobildə keçirdiyini görüb. O, həmin anın fotosunu çəkərək sosial media hesabında paylaşıb.

Paylaşımda "Boşanma prosesində olub, həyat yoldaşının təxribatlarına dözməyərək evi tərk edən və gecəni avtomobildə keçirib yatan kişilər var. Demək, tək deyilmişəm" ifadələrinə yer verilib.

Qısa müddətdə minlərlə bəyənmə və şərh toplayan paylaşım sosial şəbəkələrdə geniş müzakirələrə səbəb olub. Bir çox kişi istifadəçi oxşar vəziyyətlərlə üzləşdiklərini bildirərək şəxsi təcrübələrini bölüşüblər.

İstifadəçilər müzakirələr zamanı boşanma prosesində olan cütlüklərin üzləşdiyi psixoloji təzyiqlərə, emosional gərginliyə və belə vəziyyətlərin idarə olunmasının çətinliyinə diqqət çəkiblər.

Telegramda izləyin