Bu hotelin gecəsi 8 dollardır! Səbəb görün nədir

\Braziliyada aşağı büdcəli yaşayış üçün təklif olunduğu bildirilən hotel otağının görüntüləri sosial mediada diqqət çəkib. Gecəlik qiymətinin cəmi 8 dollar olduğu iddia edilən otağın olduqca kiçik olması təəccüb yaradıb.

Sonxeber.az xarici mediaya istinadla xəbər verir ki, görüntülərdə otağın demək olar ki, bütün sahəsini bir nəfərlik çarpayının tutduğu görünür. Tualet üçün ayrıca bölmə nəzərdə tutulmayıb, duş sahəsi isə çarpayıdan yalnız qısa bir divarla ayrılıb.

Çarpayının yanında cəmi bir nəfərin keçə biləcəyi qədər dar boşluq qalıb. Məhdud sahəyə kiçik televizor və ventilyator da yerləşdirilib.

Otaqda dəsmal və tualet kağızı kimi əsas ehtiyacların da çarpayının üzərində qonaqlar üçün hazırlandığı görünür.

Bununla belə, görüntülərdəki otağın hansı hotelə məxsus olduğu və gecəlik qiymətinin həqiqətən 8 dollar təşkil edib-etmədiyi müstəqil mənbələr tərəfindən təsdiqlənməyib.

Telegramda izləyin