Uşaq futboluna 10 milyon manat: "Sabah"dan nümunəvi təşəbbüs

""Sabah" futbol klubunun uşaq futboluna ayıracağı 10 milyon manatlıq vəsait nümunəvi addımdır. Düşünürəm ki, bu komanda bu günə qədər də uşaq futbolunun inkişafına yetərincə diqqət yetirib".

Bunu BiG.AZ-a açıqlamasında futbol üzrə ekspert Kənan Məstəliyev bildirib.

O, qeyd edib ki, istər yaradılan şərait və infrastruktur, istərsə də məşqçilərin təcrübə toplaması baxımından atılan addımlar təqdirəlayiqdir. Bu təşəbbüsün ölkənin ən öncül klublarından biri olan "Sabah" tərəfindən həyata keçirilməsi isə xüsusi əhəmiyyət daşıyır:
"10 milyon manatın məhz uşaq futboluna yönəldilməsi "Sabah" futbol klubunun daha bir müsbət addımı kimi qiymətləndirilməlidir.

Əgər bir klubda uşaq futbolu inkişaf etmirsə, həmin klubun və komandanın uzunmüddətli inkişafını təmin etmək mümkün deyil. Uşaq futboluna qoyulan sərmayə gələcəkdə həm klubun, həm də Azərbaycan futbolunun inkişafına mühüm töhfə verə bilər".

Telegramda izləyin