Toyda qızıl şousu: Gəlinin qoluna sığmayan bilərziklər boynundan asıldı - VİDEO

Sosial media fenomeni Çağla Öz ilə "Vanlı Kara Haydar" ləqəbli Mehmet Fatih Tançalanın toy mərasimi taxılan kiloqramlarla qızıl və gəlin-qayınana arasında yaşanan gərginliklə gündəmə gəlib.

Sonxeber.az xarici mediaya istinadla xəbər verir ki, cütlüyün toyunda keçirilən zinət mərasimi əsl qızıl nümayişinə çevrilib. Çağla Özə çox sayda qızıl bilərzik taxılıb. Lakin bilərziklərin sayı o qədər çox olub ki, gəlinin qollarına sığmayıb.

Bunun üzərinə fərqli üsula əl atılıb. Qollarına taxılması mümkün olmayan bilərziklər qalın qızıl zəncirə düzülərək gəlinin boynundan asılıb. Görüntülər sosial mediada böyük maraq doğurub.

Toyda diqqət çəkən digər məqam isə Çağla Öz ilə qayınanası arasında yaşanan qısa gərginlik olub. Mərasim zamanı qayınanasının taxmaq istədiyi tacı götürən gəlin onu başqa bir şəxsə uzadaraq, "Xeyr, sən tax" deyib.

Çağla Özün qayınanasına qarşı bu hərəkəti toyun ən çox müzakirə olunan anlarından birinə çevrilib. Toydan yayılan görüntülər sosial şəbəkələrdə geniş şəkildə paylaşılaraq müxtəlif reaksiyalara səbəb olub.

Telegramda izləyin