Ronaldonun həyat yoldaşını çəkən fotoqraflardan böyük ayıb! - VİDEO

Dünyaca məşhur futbolçu Cristiano Ronaldonun həyat yoldaşı Georgina Rodriguez ilə bağlı görüntülər sosial mediada gündəm olub.

Sonxeber.az xarici mediaya istinadla xəbər verir ki, Rodriguezin iştirak etdiyi tədbirdə onu çəkmək üçün yarışan fotoqrafların kadra düşərək poz verməyə çalışan başqa bir qadına qarşı soyuq və sərt münasibəti kameraya düşüb.

Görüntülərdə fotoqrafların bütün diqqətini Georgina Rodriguezə yönəltdiyi, həmin vaxt kadra daxil olaraq onlara poz verməyə çalışan qadına isə əhəmiyyət vermədiyi görünür. Qadının fotoqrafların diqqətini çəkmək cəhdi qarşılıqsız qalıb. Onun yaşadığı təəccüb və pərtlik isə görüntülərdə açıq şəkildə hiss olunub.

Qısa müddətdə sosial şəbəkələrdə geniş yayılan video istifadəçilərin də sərt reaksiyasına səbəb olub. Bir çoxları fotoqrafların davranışını "incidici" və "utancverici" kimi qiymətləndirib.

Sosial media istifadəçilərinin diqqət çəkən şərhləri arasında bunlar yer alıb:

"Çox ayıb və son dərəcə incidici davranışdır."
"Qadın da orada poz verirdi. İzləyərkən utandım."
"İnsanlara yalnız populyarlığına görə fərqli münasibət göstərilməsi qəbuledilməzdir."
"Hər şeyi pul və şöhrətin idarə etdiyini göstərən kədərli bir an."

Görüntülərin qısa müddətdə geniş auditoriyaya yayılması, tədbirlərdə məşhurlara və digər insanlara göstərilən münasibət məsələsini yenidən gündəmə gətirib.

Telegramda izləyin