Gənc qız intiharını canlı yayımladı: Anasının yalvarışlarına baxmayaraq həyatını itirdi

Rusiyada gənc qız sosial şəbəkədə canlı yayım açaraq intihar edəcəyini açıqlayıb. Hadisə zamanı yayına qoşulan anasının göz yaşları və qızını fikrindən daşındırmaq cəhdləri nəticəsiz qalıb. Gənc qız canlı yayım davam edərkən özünü yüksəklikdən aşağı ataraq həyatını itirib.

Sonxeber.az xarici mediaya istinadla xəbər verir ki, Rusiyada yaşayan gənc qız şəxsi Instagram hesabında canlı yayım açaraq həyatına son qoyacağını bildirib. Qısa müddətdə çox sayda istifadəçinin izlədiyi yayından xəbər tutan anası da qızına çatmağa çalışıb.

Ana canlı yayıma qoşularaq göz yaşları içində qızını bu addımdan çəkindirməyə çalışıb. Lakin onun və digər izləyicilərin bütün yalvarışlarına baxmayaraq, gənc qız qərarından dönməyib və yayım zamanı özünü yüksəklikdən aşağı atıb.

Hadisə ilə bağlı məlumat daxil olduqdan sonra əraziyə təcili tibbi yardım və hüquq-mühafizə əməkdaşları göndərilib. Hadisə yerinə çatan həkimlər gənc qızın aldığı xəsarətlər nəticəsində həyatını itirdiyini müəyyən ediblər.

Hadisə ilə bağlı hüquq-mühafizə orqanları tərəfindən araşdırma başladılıb.

Telegramda izləyin