Yolda cərimə alan sürücünün polisə verdiyi cavab şok etdi

Türkiyənin Adana şəhərində işıqfor olmayan piyada keçidlərində piyadalara yol verməyən sürücülər dron vasitəsilə müəyyən edilib. Keçirilən reyd zamanı 64 sürücüyə ümumilikdə 362 min 368 lirə cərimə tətbiq olunub.

Sonxeber.az xarici mediaya istinadla xəbər verir ki, təxminən 2 saat davam edən yoxlama zamanı müxtəlif yol hərəkəti qaydalarını pozan ümumilikdə 175 sürücüyə 901 min 128 lirə məbləğində cərimə yazılıb.

Adana İl Emniyet Müdürlüğünün Trafik Denetleme Şöbəsinin əməkdaşları işıqfor olmayan piyada keçidlərində yoxlama həyata keçirib. Bülent Angın Bulvarında keçirilən əməliyyat zamanı piyada keçidləri dronla havadan izlənilib.

Keçiddə gözləyən və ya yolu keçmək istəyən piyadalara yol verməyən sürücülər dron görüntüləri əsasında müəyyənləşdirilib. Qaydanı pozan avtomobillər keçiddən bir qədər aralıda gözləyən polis əməkdaşları tərəfindən saxlanılıb.

Bəzi sürücülər dron görüntülərinə baxdıqdan sonra belə cərimə ilə razılaşmayaraq qaydanı pozmadıqlarını iddia ediblər.

Sürücülərdən Sabri D. isə görüntülərdə qayda pozuntusu açıq şəkildə görünməsinə baxmayaraq, cəriməyə etiraz edib.

"Yola çıxmasa, mən haradan bilim keçmək istəyir? Addım atmalıdır ki, mən də dayanım. Səhv edən odur", - deyən sürücünün sözləri yoxlama zamanı diqqət çəkən məqamlardan biri olub.

Telegramda izləyin